26/1 紐約期油已連升5個星期

紐約期油、布蘭特期油已連升5個星期，而愈來愈多大行睇好油價，繼高盛睇布油見每桶100美元後，摩笛亦發功唱好，認為環球額外產油能力，會由依家每日340萬桶減到得返200萬桶，美銀更估計，布油喺今年夏天會升到120美元，油價真係咁樂觀？

SAXO Markets高級市場分析師潘梓生指，全球同疫情共存嘅睇法愈來愈樂觀，美國、歐洲放寬封城措施，連世衛都話，Omicorn疫情之後會變風土病，到時旅遊業復甦，原油需求應該會增加，亦解釋到原油之前由60幾美元衝上80幾美元。

Edison話，油價已突破上年10月、11月嘅85美元高位，亦創咗疫後新高，估計紐油上返90美元難度唔高。